分享健身经验

危急存亡之秋‧战斗继续《Battleborn》体验报告

时间:2020-06-22  作者:
危急存亡之秋‧战斗继续《Battleborn》体验报告

好多时睇嘢真係唔好睇个样就落决定,今次介绍俾各位巴丝打嘅《Battleborn》(中文名叫《为战而生》)就係一例。画风真係唔多合香港人口味,尤其係日本风死忠的话真係会对呢只Game嗤之以鼻。但係真係请大家停一停谂一谂,究竟对你来讲一只Game游戏性重要啲定係画风重要啲先?如果你係要前者,咁呢个报告你就有资格睇落去喇。

危急存亡之秋‧战斗继续《Battleborn》体验报告

◆ 今次试玩呢个Build係PS4版,语音英文,字幕、介面全面中文化,「柯岑」!

去年2K就曾经带住《Battleborn》嘅Pre-Alpha版本嚟到香港,搵咗一大班传媒老友去试玩,当时玩嘅係PvE玩法,5个人合作打电脑,玩起上嚟都已经几好玩。今次去到台湾,试玩嘅係大约90%完成品,感觉比之前玩嘅版本唔同咗,PvE又好,PvP又好,都係再好玩咗嘅!《Battleborn》係一只以5人小队为基础进行嘅游戏,佢唔只係PvP,仲有好丰富嘅PvE内客,所以如果你唔锺意上网同人斗,都可以上网搵人同你组队打故仔或者战役。今次我试玩嘅係PS4版,游戏正式推出时係会有埋Xbox One及PC呢两个版本,而据Gearbox讲,PS4版及Xbox One版会有单机Split-Screen双打功能,最啱两口子一齐玩啦!

究竟只Game有冇故仔架?当然有,个设定仲几奇特添:係非常非常遥远嘅未来,宇宙入面无数嘅恆星都被神秘力量相继咁消灭,最后就只得返一粒叫做「孤星」嘅恆星。来自唔同势力及种族嘅人都嚟到「孤星」呢个星系求存,但係并冇因为大难临头而团结,反而因为理念唔同、资源争夺或者无谓嘅自尊互相撕杀,究竟要点先可以同嗰股最终灭绝力量去较量呢?我唔剧透喇。

螺旋升级

《Battleborn》难玩吗?对有玩开FPS嘅巴丝打嚟讲,呢只Game应该绝对容易上手;系统易操作吗?又唔係咁难,如果你有玩开《LOL》、《Heroes of the Storm》一类游戏的话更加快上手,因为《Battleborn》个升级系统:Helix System(螺旋系统)就係同之前讲嗰两只Game相似,即係点?即係所有玩家角色一开始都係Level 1,战斗中赚EXP升级,每次升级就可以选择唔同嘅能力。亦即係话《Battleborn》并唔係一只好似《Borderlands》咁一咪升Level及打宝嘅FPS游戏,两者係有好大分别。游戏入面虽然好多角色都係用枪,但如果你係锺意玩埋身肉搏、或者锺意玩Magic嘅,游戏都有唔少呢类角色俾你拣,所以只Game并唔只係FPS咁简单。

危急存亡之秋‧战斗继续《Battleborn》体验报告
◆ Helix System(螺旋系统)係《Battleborn》嘅最大特色。危急存亡之秋‧战斗继续《Battleborn》体验报告
◆ 每个角色都有两种特别能力,每次施放都会有特效睇,就好似我用呢个马奎斯,佢个特别能力就係可以调节指定範围入面嘅时间同速度。

25个角色

角色同装备喺《Battleborn》嚟讲好紧要,Game起初就会收录有25个角色,分成5个派别,但我玩时又觉得5个派别嘅角色係可以组埋一队嘅,所以我唔太明白分派别嚟仲乜。但每个角色都有佢风格,就连啲小动作都有唔同。同製作人倾开,原来要创立一个角色最快都要两个半月时间,而呢个时间只係由构想到完成角色设定,仲未计能力调整!至于角色点解会有咁多小动作,製作人就话佢哋其实并冇刻意为每个角色去设计呢啲小动作,反而係製作团队好多时会忽然间谂到啲嘢就放入去,储下储下就有咁多嘢喇!至于装备方面,大家开Game前记得要去买装备包,每个包有5件Item。装备包有分稀有度,愈稀有代表有机会抽到劲装。我起初都惊是咪要课金去抽包呢?製作团队好坚决咁话佢哋係唔会加入课金系统,抽呢啲包係用In Game嘅钱,而呢啲钱就要靠大家去打多几场PvP或打任去储返嚟,咁都好啲。

危急存亡之秋‧战斗继续《Battleborn》体验报告

◆ 一开始25个角色齐晒俾你,之后有冇新加?应该会收钱喇。

危急存亡之秋‧战斗继续《Battleborn》体验报告

◆ 今次我选用呢个远距离攻击高手马奎斯。唔好睇佢支枪好似弱鸡嘢,其实係一支狙击枪,问你死未!另外佢仲有控制时间同叫出无人机嘅能力。

危急存亡之秋‧战斗继续《Battleborn》体验报告

◆ 开Game前可以买装备,并将最多3件装备放入一个Set入面,开Game后就可以选择用唔同装备Set去应战。一开Game你只有一个Set,要加Set就要用Game钱去买。

Behind the scene

喺未玩之前望到个画面,其实真係有啲犹豫,因为我一睇就觉得佢好似《Borderlands》,呢只被欧美玩家视为神作嘅FPS游戏喺亚太区唔算好受欢迎,其最大原因就係画风。呢种美式画风对于好似我呢啲饮日式动漫奶水大嘅人嚟讲真係好难入口。今次喺台湾就有幸可以同《Battleborn》两位美术方面嘅负责人倾下偈,除咗搵佢哋讲下《Battleborn》背后嘅设定概念,同时亦都了解一下佢哋份工究竟做啲乜。

AD同AP究竟係咩一回事呢?Scott就用几句就解明:AD係抛出Idea,AP就係执行完成嘅Idea嘅Plan。话时话,我而家终于明点解《Battleborn》嘅美术风格同《Borderlands》及《Borderlands 2》咁似喇,因为全部都出于Scott及Sarah手嘛!而游戏入面咁多角色,全部都係由佢两个及团队一齐创作,正如前文有讲,每个角色创造都花两个半月时间,而目前游戏收录咗25个角色,可想而知单係创造角色都花咗唔少时间,再加埋啲Gesture、小动作、配音等,其实都真係几花时间,大家玩时可能唔会多留意呢啲事,经佢两个一讲先知背后有咁多事要做!

问到佢两位最锺意游戏入面边个角色呢?Scott就话最锺意双刀侠「拉斯」,因为佢锺意玩埋身肉搏,而且「拉斯」动作又快又华丽,正正係佢杯茶。娇娇女Sarah就锺意平衡度高嘅「卡尔达洛斯」,因为呢个角色係一只机械人,机动力高之余远近攻都有,易上手,佢都非常推荐新手玩家用呢个角色。

危急存亡之秋‧战斗继续《Battleborn》体验报告

Scott Kester

Art Director

Scott于2007年加入Gearbox,目前乃《Battleborn》嘅AD,之前就为《Borderlands》及《Borderlands 2》等系列作品担当概念美术设计师(Concept Artist)。

危急存亡之秋‧战斗继续《Battleborn》体验报告

Sarah Rosa

Art Producer

2014年加入Gearbox前,Sarah于Irrational Games工作。佢进入Gearbox后就带领住佢队美术小组进行《Battleborn》嘅美术工作。

危急存亡之秋‧战斗继续《Battleborn》体验报告
◆ Scott最锺意就係双剑士「拉斯」。危急存亡之秋‧战斗继续《Battleborn》体验报告
◆ Sarah推介新手用呢只高机动力嘅机械人「卡尔达洛斯」。

《Battleborn》为战而生

游戏开发:Gearbox Software

游戏发行:2K

游戏类型:英雄射击

游戏平台:PC / PS4 / Xbox One

游戏人数:1至5人

推出日期:

游戏网页


上一篇: 下一篇:

相关阅读